A WebQuest for grade 10 (IsiXhosa Home Language) I-Ajenda nemizuzu yentlanganiso

Introduction

https://www.youtube.com/watch?v=ml2_uGKLuII

Umzekelo we-ajenda nemizuzu yentlanganiso

https://www.youtube.com/watch?v=-rPYCeslay8&t=41s

 

Task

Ekupheleni kwesifundo abafundi bazokwazi:

  1. Ukuba yintoni i-ajenda nemizuzu kwaye kuthe zibalulekile
  2. Iimpawu nemigaqo elandelwayo xa kubhalwa i-ajenda nemizuzu
  3. Ulwimi olusetyenziswayo xa kubhalwa i-ajenda
  4. Ukuthatha inxexheba kwintlanganiso zokwenyani
  5. Ukwabelana ngezimvo benikana amathuba okuthetha ngentlonipho

I-Ajenda nemizuzu yentlanganiso

Imiyalelo:

  • Bhala ngokucocekileyo
  • Sebenzisa ifomathi yokubhalwa kwemihlathi emide

Umbuzo 1

Njengonobhala weqembu lomnyazi bhala i-ajenda nemizuzu yentlanganiso apho nizobe nixoxa ngokuphuhlisa ibhola yomnyazi kwiingigqi eziningqongileyo. 

     Amanqaku ( 30 )

Process

Amanyathelo abazowathatha:

  1. Abafundi bazojonga iinkcukacha zonke ezingezantsi endibafundise zona nge-ajenda nemizuzu
  2. Abafundi bathatha amanqaku phantsi abawaqondayo abalulekile
  3. Abafundi bathatha iincwadi zabo zokubhalela, bengasajongi kwendibanike kona ukuze babona ukuba bavile kusini na

Qaphela: I-Ajenda kunye nemizuzu zisoloko zihamba kunye xa ziphendulwa kwimviwo azohlulwa.

Yintoni i-ajenda?

I-Ajenda sisicwangciso senkqubo eza kulandelwa xa kuqhutywa intlanganiso.

Injongo: Kukwazisa abantu abaza kuba yinxalenye yentlanganiso ngemiba eza kushukuxwa ukuze bazilungiselele. Kukunika abantu abakwintlanganiso uqikelelo ngexesha eliza kuthatyathwa kule ntlanganiso.

Abantu ababhalelwayo: Ngabantu abamenyiweyo entlanganisweni okanye ngabantu abaselungelweni lokuthabatha inxanxeba entlanganisweni.

Ifomathi/iimpawu

  • Mayicwangciswe inkqubo eza kulandelwa kwintlanganiso.
  • Makubhalwe ingongoma kuphela.
  • Imibandela ezakuxoxwa mayinonjolwe ( inambarishwe) ukuze icace nakubani na.

Imiba ilandelelaniswa ngoluhlobo:

  • Uvulu nolwamkelo.
  • Abakhoyo.
  • Izingxengxezo zabangekhoyo.
  • Ukufundwa kwemizuzu yentlanganiso edlulileyo nolwamkelo lwayo.
  • Imivuka ( imiba engazange ixoxwe igqitywe kwintlanganiso edlulileyo).
  • Imiba engundoqo ( imiba ezakuxoxwa nesizathu sokubizwa kwentlanganiso).
  • Ukwaziswa komhla wentlanganiso elandelayo.
  • Ukuvala.

Imizuzu Yentlanganiso

Yintoni imizuzu?

Imizuzu zizigqibo zentlanganiso ebibanjiwe.

Injongo:

Kukuqinisekisa ukuba zonke izigqibo zentlanganiso zibhalwa phantsi ukuze kubekho ubungqina obubhaliweyo kwabantu ababekho, abangekhoyo kunye nezigqibo zemiba yengxoxo.

Kukusebenzisa imizuzu njengesiseko sentlanganiso eya kulalandela.

Abantu ababhalelwayo:

Nabani na oza kufunda imizuzu asebenzise izigqibo zentlanganiso njengomkhombandlela.

Ifomathi/iimpawu

  • Bhala igama lequmrhu ebelibambe intlanganiso.
  • Umhla wentlanganiso, indawo kunye nexesha ebibanjwe ngayo.
  • Kubhalwa kuphela izigqibo ezithatyathwe kwintlanganiso.
  • Uvumelekile ukuba usebenzise amagama athi " kugqityiwe ekebeni...."
  • Imizuzu mayibhalwe ilandela iingongoma ze-ajenda.
  • Makuvele umhla, indawo nexesha engene ngalo intlanganiso.
  • Dwelisa amagama abantu abakhoyo kwintlanganiso.
  • Bhala amagama abantu abangengxezileyo.
  • Imibandela eza kuxoxwa mayinonjolwe.
  • Sebenzisa izenzi ezikwexesha elidlulileyo.
  • Bhala isaziso sentlanganiso eza kulandela.
  • Makuvele ixesha ephume ngalo intlanganiso.
  • Bhala umqulunqi wemizuzu.
  • Bhala umhla equlunqwe ngayo le mizuzu.

Ulwimi olusetyenziswayo

  • Ulwimi olundilisekileyo.
  • Amagama afana no " kugqityiwe".
  • Kusetyenziswa ixesha elidlulileyo.

Isakhiwo

  • Isivakalisi esivulayo esiqulathe: abathathi-nxanxeba, indawo ebibanjelwe kuyo kunye nexesha lokungena kwayo.
  • Isiqu: iingongoma ezihambelana nemizuzu yentlanganiso.
  • Isiphelo: umqulunqi wemizuzu nomhla equlunqwe ngayo.

Umzekelo we-ajenda nemizuzu

Njengonobhala wabafundi bhala i-ajenda nemizuzu yentlanganiso apho nizobe nixoxa ngokushokoxeka kweencwadi zokufunda.

I-Ajenda nemizuzu

Intlanganiso yesigqeba sabafundi Sukude S.S.S

Umhla: 20 kweyeSilimela 2021

Indawo: kwiholo yesikolo saseSukude

Ixesha: Licala emva kwentsimbi yesibini emalanga

I-Ajenda

  1. Uvulo nolwamkelo
  2. Abakhoyo nezingxengxezo
  3. Ufundo lwemizuzu yentlanganiso edlulileyo
  4. Imivuka
  5. Imiba yengxoxo ( ukushokoxeka kweencwadi zokufunda)
  6. Eminye imiba
  7. Isaziso sentlanganiso ezayo
  8. Uvalo

Imizuzu yentlanganiso ( mayihambelane neengongoma ze-ajenda)

Uvulo nolwamkelo: Intlanganiso ivulwe nguNobhala ngomthandazo ngecala emva kwentsimbi yesibini emalanga

Abakhoyo nezingxengxezo: USihlalo, uNobhala, amalungi amabini esigqeba kunye nabafundi

Izingxengxezo: Khange zibekho (kuhanjiswa irejista batyikitya abakhoyo)

Ufundo lwemizuzu yentlanganiso edlulileyo: Ifundiwe imizuzu yaze yamkelwa

Imivuka: Khange ibekho

Imiba yengxoxo: Ukushokoxeka kweencwadi zokufunda

Eminye imiba: Ayikhange ibekho

Isaziso sentlanganiso ezayo

Intlanganiso elandelayo iya kuba ngomhla we-96 KweyeThupha ngentsimbi yokuqala malanga

Ukuvala: Ivalwe nguNondyebo ngomthandazo ngentsimbi yesine

Umqulunqi: K Nciza (uNobhala)

Umhla: 20 kweyeSilimela 2021

 

Evaluation
Ikhratheriya Balaseleyo Enobuchule Phakathi Buthakathaka Bubhetyebhetye 
Umxholo, ucwangciso nefomathi 15-18 11-14 8-10 5-7 0-4

Ukungqala kwempendulo nezimvo.

Ukuqoqwa kwezimvo ngenjongo yokucwangcisa

Injongo yokubhala, abo kujoliswe kubo, iimpawu/imigaqo yetekisi, kunye nemeko

 

 

 

 

 

 

 

 

 

18 AMANQAKU

Impendulo igqwesile idlule okuqhelekileyo 

Izimvo ziqiqisiwe kwaye zivuthiwe

Luphangalele ulwazi lweempawu zolu didi lwetekisi

Umsebenzi ungqalile uhleli emxholweni

Kukho ukunamathelana kwizimvo nomxholo

Iingcamango zidakancwe ngobunono zonke iinkcukacha zixhasa isihloko

Ifomathi ifanelekile kwaye ichanekile 

Impendulo ibonakalisa ukuchaneka kanobomi ulwazi olunzulu lweempawu zolu didi lwetekisi

Ingqalile ayiphumi nasemxholweni 

Izimvo zixonxwe zadakancwa ngokunamatheleneyo kumxholo nezimvo

Iinkcukacha zixhasa isihloko

Ifomathi ifanelekile ineendawana ezingachanekanga ezingephi

 

 

 

 

 

 

 

Impendulo iyanelisa ibonakalisa ulwazi lweempawu zolu didi lwetekisi

Izimvo ziyaphuma emxholweni kwaye kukho nokugqwidiza 

Ukunamathelana komxholo nezimvo kufanelekile 

Ezinye inkcukacha zixhasa isihloko

Ifomathi ifanelekile kodwa kusekho ukunachaneki

 

 

 

 

 

Impendulo ibonakalisa olungephi lweempawu zolu didi lwetekisi 

Zimbalwa izimvo ezisemxholweni kodwa kuninzi ukuphuma ecaleni

Kunqabile ukunamathelana komxholo nezimvo

Zimbalwa inkcukacha ezixhasa isihloko

Imigaqo yefomathi ephambili isetyenzisiwe ngokungaqondi

Kutyeshelwe izinto ezininzi

 

 

 

 

Impendulo ibonakalisa ukunqongophala kolwazi lweempawu zolu didi  lwetekisi

Intsingiselo ilahleka rhoqo ide iphume emxholweni.

Akukho ukunamathelana komxholo nezimvo

Zimbalwa kakhulu inkcukacha ezixhasa isihloko

Imigaqo eyimfuneko yobhalo lwale tekisi ityeshelwa

 

 

 

 

 

 
Ulwimi isimbo sokubhala nokuhlela  10-12 8-9 6-7 4-5 0-3

Ithoni, irejista, isimbo, injongo/ifuthe, abo kujoliswe kubo kunye nemeko 

Ukusetyenziswa kolwimi nemigaqo 

Uchongo magama 

Iimpawu zokubhala kunye nopelo

12 amanqaku

Ithoni, irejista, isimbo, isigama zihambelana kakhulu nenjongo nabo kujoliswe kubo kunye nemeko

Izakhi zezivakalisi zisetyenziswe ngokuchanekileyo

Phantse kube akukho nasinye isiphene

Ithono, irejista, isimbo, isigama sichaneke kakhulu malunga nenjongo, abantu ekujoliswe kubo kunye nemeko

Izakhi zezivakalisi zichanekile kwaye umyalezo wakheke kakuhle 

Isigama sichanekile 

Ubukhulu becala akukho zimpazamo

 

 

 

Ithoni, irejista, isimbo, isigama sihambelana nenjongo, abantu ekujoliswe kubo kwakunye nemeko

Izakhi zezivakalisi zibonakalisa iimposiso 

Isigama siyanelisa

Iimpazamo zobhalo ezikhoyo aziyiphazamisi intsingiseleo nomyalezo

 

Ithoni, irejista, isimbo, nesigama azingqamani ncam nenjongo kwakunye nabantu ekujoliswe kubo kunye nemeko 

Izakhi zezivakalisi zineemposiso ezininzi eziphazamisa umyalezo

Sinqongophele isigama

Kukho amagingxi-gingxi kwintsingiselo

Ithoni,irejista,isimbo, nesigama azingqamani kwaphela nenjongo, imeko kwakunye nabantu ekujoliswe kubo

Izele zziimpazamo ixazalala

Isigama asifanelananga nenjongo

Intsingiselo ilahleke kakhulu

 

 

 

 
Ummandla wamanqaku 25-30 19-23 14-17 9-12 0-7

IRUBRIKHI YOKUHLOLA IMIHLATHI EMIDE NEMIFUTSHANRE - ULWIMI LWESIBINI OLONGEZELELWEYO [ 20 AMANQAKU]

Conclusion

Emva kokugqiba le webquest, abafundi baya kuqonda indlela yokubhala i-ajenda kunye nemizuzu, ifomathi, kunye nolwimi olusetyenziswayo. Baya kuqonda ukuba intlanganiso nganye esesikweni kufuneka ibe ne-ajenda kunye nemizuzu.

Credits

Credits & References

https://www.youtube.com/watch?v=-rPYCeslay8&t=41s

Bunga, G., Kwatsha, L., Mkhutshulwa, N.T. and Njaba, X.N. (2015) Platinum Masikhanyise Grade 10 Learner's Book (IsiXhosa Home Language). 1st ed. South Africa: Pearson Education.

Teacher Page

Surname: Gadiso

Name: Tandie

Student number: 219370206

Email Adress: tandie.gadiso@gmail.com

Number: 0734054185